Хитой АҚШнинг қурол-яроғ компанияларини “қора рўйхат”га киритди

Хитой ҳукумати Тайванга қурол-яроғ етказиб бергани учун АҚШнинг 20 та мудофаа компаниясига қарши санкциялар киритди. Бу ҳақда мамлакат Ташқи ишлар вазирлиги хабар берди.

Қайд этилишича, мазкур қарор бугун, 26 декабрдан кучга кирган. Янги санкциялар 20 та ташкилот ва 10 нафар раҳбар шахсга нисбатан қўлланилади.

Хитой ташқи ишлар идораси санкциялар қўлланиладиган компаниялар рўйхатини келтирди. Улар – Northrop Grumman Systems Corporation, L3Harris Maritime Services, Boeing in St. Louis, Gibbs & Cox, Advanced Acoustic Concepts, VSE Corporation, Sierra Technical Services, Red Cat Holdings, Teal Drones, ReconCraft, High Point Aerotechnologies, Epirus, Dedrone Holdings, Area-I, Blue Force Technologies, Dive Technologies, Vantor, Intelligent Epitaxy Technology, Rhombus Power Inc. ва Lazarus Enterprises.

Эслатиб ўтамиз, аввалроқ Қўшма Штатлар Тайванга 11,1 миллиард долларлик қурол сотишни маъқуллагани, бу Хитойнинг тобора ортиб бораётган ҳарбий босими остида бўлган орол учун АҚШнинг энг йирик қурол-яроғ пакети экани ҳақида хабар берилган эди.