Трампнинг ўлими ҳақидаги миш-мишлар рад этилди

Оқ уй раҳбари Дональд Трампнинг аҳволи яхши, у тирик. Бу ҳақда исмини ошкор этмаган АҚШ расмийси “Axios” нашри журналисти Барак Равидга давлат раҳбарининг эҳтимолий ўлими ҳақидаги ижтимоий тармоқлардаги миш-мишлар фонида айтди.

Журналистнинг Х ижтимоий тармоғидаа ёзишича, Трампнинг соғлиги жойида ва у эрталаб гольф ўйнаган.

У, шунингдек, Оқ уй матбуот уйида Трамп кортежи жўнашдан олдин оқ поло кўйлак ва қизил Make America Great Again қалпоқ кийган ҳолда тасвирлангани ҳақидаги хабарларнинг скриншотларини жойлаштирди. Ҳақиқий фотосурат кўрсатилмади.

Вице-президент Жеймс Дэвид Вэнс 29 август куни Трампга бирор нарса бўлса, АҚШ Президенти бўлишга тайёрлигини айтганидан кейин “Трампнинг ўлими” ҳақидаги тахминлар пайдо бўла бошлади. Шу билан бирга, Вэнс Трамп яхши эканига ва бутун президентлик муддатини бажаришига ишонч билдирганди.

“Агар, Худо кўрсатмасин, даҳшатли фожиа юз берса, мен сўнгги 200 кун ичида олганимдан яхшироқ машғулотни тасаввур қила олмайман”, деган эди Вэнс.

Яқинда Трамп соғлиғи билан боғлиқ муаммоларга дуч келганди. Июль ойида Оқ уй унинг оёқлари шишишига олиб келадиган сурункали веноз етишмовчилик, деб номланувчи қон-томир касаллиги борлигини тасдиқлади. Вазият томирлардаги босимнинг ошишига олиб келади ва шиш пайдо бўлишига, шунингдек, ошқозон ярасига олиб келиши мумкин, аммо бу ҳаёт учун хавфли эмас деб баҳоланган. Трампнинг аҳволи расмий каналлар орқали эълон қилинишидан аввал ижтимоий тармоқларда тарқатилган суратларда унинг оёқлари шишиб кетгани кўриниб, соғлиғи ҳақида тахминлар пайдо бўлганди.

30 август куни эса #Trumpisdead (Трамп ўлди) хештеги ижтимоий медиа платформаларида, хусусан, Хʼда трендга айлана бошлади ва бу АҚШ Президенти Дональд Трампнинг соғлиғи билан боғлиқ миш-мишларга сабаб бўлди.