Asaka Motors’дан янгилик: Shineray энди Сирдарёда ҳам ишлаб чиқарилади

Автомобилсозлик – бу шунчаки машина ишлаб чиқариш эмас. У мамлакат иқтисодиётининг юраги. У орқали янги иш ўринлари яратилади, саноат ривожланади, экспорт салоҳияти ортади. Маҳаллий ишлаб чиқарувчилар қўллаб-қувватланади, илм-фан ва технологиялар илгари сурилади.

2025 йилнинг 25 июль куни Сирдарё туманида автомобилсозлик соҳасида яна бир муҳим қадам ташланди. Asaka Motors автомобиль заводининг Сирдарё вилоятидаги шохобчасида янги тижорат автомобили – Shineray ишлаб чиқариш бошланганини эълон қилиш маросими ўтказилди. Ушбу автомобиль катта ва кучли транспорт воситаси ҳисобланади, у йўловчилар ҳамда юкларни ташиш учун мўлжалланган. 

“Ўзбекистон бозорига 6 йил олдин кириб келганмиз. Ўтган вақт давомида Shineray Motors компанияси 20 мингдан ортиқ автомобиль ишлаб чиқарди. Биз бу бозорда жуда юқори потенциалликни ва катта келажакни кўрдик. 6 йил давомида маҳсулотни маҳаллийлаштириш зарурлигини тушундик. Бу борада бизга дистрибюторимиз Luxe Motors катта ёрдам берди. Ўтган йили биз ва Luxe Motors биргаликда Asaka Motors билан музокараларни бошлагандик ва бу бир йил давом этди. Бир йил ичида кўп ишлар қилдик. Машиналаримизни фақат Ўзбекистон бозори учун бундан ҳам кўп ишлаб чиқаришга тайёрмиз. Эндиликда автомобилларимизда улар тўлиқ Ўзбекистонда ишлаб чиқарилганини билдирувчи Made in Uzbekistan белгиси бўлади”, дейди Shineray компанияси Ванг Хиаолонг.

Компаниянинг асосий мақсади автомобиллар, шунингдек автомобиль эҳтиёт қисмларини ишлаб чиқариш ҳамда истеъмолчиларга сифатли машиналарни етказиб беришдан иборат.

2021 йилда асос солинган Asaka Motors компанияси дунёнинг етакчи автомобиль ишлаб чиқарувчилари билан, масалан, Hyundai, Exeed, Shineray, Wuling, Opel, Fiat ва Alfa Romeo каби компаниялар билан ҳамкорликни фаол ривожлантирмоқда. Shineray’ни Сирдарёда ишлаб чиқаришни бошлаш – Ўзбекистонда янги автомобиль ишлаб чиқариш лойиҳасининг муҳим босқичи бўлиб, уларнинг компонентларини маҳаллийлаштиришни давом эттиришга хизмат қилади.

Shineray T30 енгил тижорат автомобиллари (пикаплари) серияси 50 фоиздан ортиқ бозор улушини эгаллаган ва маҳаллий тижорат сегментининг юлдуз маҳсулотига айланган. Улар Ўзбекистон бозорида ажойиб натижаларни кўрсатмоқда. Shineray’нинг Ўзбекистон транспорт бозорида етакчилик қилиши нафақат маҳсулотларнинг мукаммал сифати, балки маҳаллий шароитга мослаштирилган, пухта ўйланган бозор стратегияси билан ҳам боғлиқ. Shineray маҳаллий бозор эҳтиёжлари учун махсус ишлаб чиқилган бир нечта моделларни тақдим этди. Улардан T30, T50S ва X30L каби моделлар махсус ишлаб чиқилган CNG тизимлари билан жиҳозланган ва бозорнинг қизғин эътирофига сазовор бўлган кенг қамровли оптималлаштиришдан ўтган.

Ушбу пултопар автомобилнинг Т30 ва Т32 модели оғир юкларни ташишга мўлжалланган. Модель 1.5 литрли двигателга ва 115 от кучига эга. Ўртача ёқилғи сарфи 100 километрга 8 литрни ташкил этади, бензин бакининг сиғими эса 50 литр. Бу имконият билан сиз узоқ масофага ҳам ҳеч иккиланмай бора оласиз. Стандарт комплектацияда автомобиль кондиционер, ABS тизими ва бошқа хавфсизлик элементлари билан жиҳозланган. Улар ҳайдовчига қулайлик яратади ва ҳимояни кучайтиради. Узунлиги 4,9 метр, эни 1,7 метр, баландлиги эса салкам 2 метр бўлган бу моделларнинг салон қисмига келадиган бўлсак, у ўзига 2-5 кишини сиғдира олади.

Бизнес қилиш учун зўр қулайлик яратадиган  Shineray’нинг микроавтобус шаклидаги X30L ва M7 моделлари ҳам 1.5 литрли двигателга ва 115 от кучига эга. Автомобиль кондиционер, сенсорли монитор, орқа камера, ABS тизими ва бошқа хавфсизлик элементларига эга. Ушбу моделлар билан 100 километр масофага бориш учун машинага ўртача 8 литр бензин қуйиш кифоя. Бензин бакининг сиғими эса 40 литрни ташкил этади. Узунлиги 4,5 метр, эни 1,6 метр ва баландлиги 2 метр бўлган бу моделларнинг салони 11 кишига мўлжалланган.

Ўзбекистонда табиий газнинг бой ресурслари ва нисбатан паст нархини ҳисобга олган ҳолда Shineray KPG (компримланган табиий газ) билан ишлайдиган двигателларни махсус ишлаб чиқди, улар камроқ газ сарфи, кўпроқ қувват ва юқори самарадорлик билан ажралиб туради. Комплекс оптималлаштириш орқали транспорт воситаларининг операцион харажатлари янада камаяди. Т30 модели evro 6 стандартига кирадиган экологик тоза автомобиль ҳисобланади. T50S моделлари қўшимча ёнилғи бакининг ҳажмини ошириш орқали қишда газ билан тўлдиришнинг етишмаслиги муаммосини ҳал қилади.

“Ишлаб чиқаришни йўлга қўйишимиздан кўзланган асосий мақсадимиз қўшимча иш ўринларини яратиш, қўшимча инвестиция олиб кириш ҳамда халқимизга қулай бўлиши учун автомобилларимизнинг таннархини пасайтиришдан иборат. 2025 йилнинг якунига қадар 1000 та автомобиль ишлаб чиқаришни режалаштирганмиз. Уларни нафақат ички бозорда сотиш, балки қўшни давлатлар - Тожикистон, Афғонистон, Қирғизистонга ҳам экспорт қилишни режалаштирганмиз”, дейди Luxe Motors компаниясининг Ўзбекистондаги директори Ихтиёр Усмонов.

Shineray Ўзбекистон бозорида мавжудлигини янада кенгайтириш ва чуқурлаштириш учун мамлакат бўйлаб интеграциялашган савдо ва хизмат кўрсатиш шохобчалари тармоғини 10 тага оширишни режалаштирмоқда. Бу кўпроқ маҳаллий истеъмолчиларга маҳсулот билан осонгина танишиш ва Shineray автомобилларини сотиб олиш, профессионал техник хизмат кўрсатиш ва таъмирлаш хизматларини ўз вақтида олиш имконини беради.

Мурожаат учун: +998910880303  +998994754455  +998901390304

Instagram  |  Telegram  |  Сайт