Президент янги ташкил этилган ҳарбий олийгоҳнинг раҳбарларини тайинлади

Аввалроқ, Қуролли кучлар академияси ислоҳ қилиниб, унинг негизида Ўзбекистон Республикаси Ҳарбий хавфсизлик ва мудофаа университети ташкил этилиши ҳақида хабар берилганди. Ушбу университетнинг институтларига раҳбарлар тайинланди. Бу ҳақда Мудофаа вазирлиги хабар берди.

Унга кўра, Ўзбекистон Президентининг тегишли фармойишларига мувофиқ, генерал-майор Фарҳоджон Ортиқович Шерматов Ўзбекистон Республикаси Ҳарбий хавфсизлик ва мудофаа университети бошлиғининг биринчи ўринбосари лавозимига;

Полковник Қаҳрамонжон Обиджонович Зоидов Ўзбекистон Республикаси Ҳарбий хавфсизлик ва мудофаа университетининг Қуруқликдаги қўшинлар институти бошлиғи лавозимига;

Полковник Абдулла Адҳамович Ҳамроев Ўзбекистон Республикаси Ҳарбий хавфсизлик ва мудофаа университетининг Ҳарбий авиация институти бошлиғи лавозимига;

Подполковник  Бахтиёр Нематович Раҳимов Ўзбекистон Республикаси Ҳарбий хавфсизлик ва мудофаа университетининг Ахборот-коммуникация технологиялари ва алоқа ҳарбий институти бошлиғи лавозимига;

Тиббий хизмат полковниги  Улуғбек Абдугафурович Расулов Ўзбекистон Республикаси Ҳарбий хавфсизлик ва мудофаа университетининг Ҳарбий тиббиёт институти бошлиғи лавозимига тайинланган.