“Клон” сериали юлдузи 91 ёшида вафот этди

Бразилиялик сериал актёри Франсиску Куоку 91 ёшида Сан-Паулуда вафот этди. Санъаткорнинг вафот этганини “Клон” сериалида Жади ролини гавдалантирган 49 ёшли бразилиялик актриса Жованна Антонелли тасдиқлади.

Актёр кеча, 19 июнь куни 91 ёшида вафот этган. Ўлимидан олдин у шифохонага ётқизилган, бироқ унинг ўлим сабаблари маълум қилинмаган.

Бразилия вице-президенти Жералду Алкмин ўз таъзияномасида Куокуни ўз мамлакатининг энг кучли актёрларидан бири деб атаган. 60 йилдан ортиқ давом этган карьераси давомида Куоку театр ва фильмларда роль ўйнаган.

У томошабинлар хотирасида “Клон” сериалидаги руҳоний ва доктор Алиберининг дўсти падре Матиолли образи билан муҳрланиб қолган. У шунингдек, “Тропиканка” сериалида Гаспар Веласко ролини ҳам ижро этган.

Эслатиб ўтамиз, аввалроқ Уругвайнинг собиқ раҳбари (2010-2015), дунёдаги энг камбағал собиқ президент Хосе Мухика 89 ёшида вафот этган эди.