Россиялик дипломатларни Германиядан қувиш таклиф қилинди

Германия Бундестаги депутати, Христиан-демократлар иттифоқи аъзоси Родерих Кизеветтер Россия ва Германия ўртасидаги муносабатларни янада кескинлаштириш учун барча россиялик дипломатларни мамлакатдан чиқариб юборишни ва Берлиндаги “Рус уйини” ёпишни таклиф қилди. Бу ҳақда “Handelsblatt” хабар берди.

Нашрга кўра, депутат мамлакатда қолаётган дипломатларни чиқариб юбориш, шунингдек, Берлиндаги “Рус уйи” ва бошқа муассасаларни ёпиш лозимлигини айтган. Бундан ташқари, у россияликларга виза беришни тақиқлашни ҳам таклиф қилмоқда.

“Биз Германияда қолган барча агентлар ва дипломатларни чиқариб юборишимиз керак. Шунингдек, паст даражадаги агентларни ёллашга қарши чора кўриш лозим”, деган депутат.

Кизеветтер, шунингдек, ўз позициясини билдириб ўтгач, асосий мавзуга қайтган ҳолда давлат назоратидаги ташкилотлардан келаётган киберҳужумлар таҳдиди сезиларли даражада ошгани ва Германия киберҳужумларга етарлича тайёр эмаслигини таъкидлаган.

Унинг сўзларига кўра, сўнгги вақтларда мамлакатда Хитой, Шимолий Корея ва Эрон томонидан киберҳужумларнинг кўпайган.

Ушбу баёнот Германия Ташқи ишлар вазири Йоханн Вадефуль АҚШ билан ҳамкорликда Россияга қарши янги санкциялар пакети устида иш олиб борилаёт бир даврда янгради.

Қайд этиш жоизки, Кизеветтер илгари ҳам кўплаб баҳсли ташаббуслари билан эътибор қозонган. У ўз партиядошлари фикрига қарши чиқиб, “Шимолий оқим” газ қувурларини тиклашга қарши бўлган. Германия ҳарбийларини Украинага юборишни, шунингдек, Украинадан келган эркак мигрантларни фронтга жўнатишни таклиф қилган. Бундан ташқари, у Исроилга ҳарбий самолётлар юборишни ҳам илгари сурган. Кизеветтер матбуотда кўзга кўринишни хоҳлайдиган, аммо ўз ташаббуслари оқибатларини ҳисобга олмайдиган шахс сифатида танилган.

Эслатиб ўтамиз, аввалроқ Украина Президенти Владимир Зеленский Берлинга борганди. Германияда ҳарбий шараф билан қабул қилинган Зеленский Германия канцлери Фридрих Мерц билан учрашган. Владимир Зеленский ташрифи чоғида “Германиянинг Украинани қўллаб-қувватлаши ва Россия билан урушда ўт очишни тўхтатиш ҳаракатлари”ни муҳокама қилган.