Украинадаги уруш тугамаса, ЕИ Киевга ёрдамни 2 баробарга оширмоқчи

Агар АҚШ Президенти Дональд Трамп Россия раҳбари Владимир Путинни урушни тезда тугатишга кўндирмаса, Европа Иттифоқи мамлакатлари Украинага ҳарбий ёрдамни сезиларли даражада ошириши мумкин. Бу ҳақда мудофаа бўйича Европа комиссари Андрюс Кубилюс ўзининг Х ижтимоий тармоғида ёзиб қолдирди.
 
Унинг сўзларига кўра, Европа Иттифоқи ва АҚШ ҳозиргача Киевга йилига тахминан 40 миллиард евро миқдорида ҳарбий ёрдам кўрсатиб келган.

“Янги режа аслида Украина бир хил 40 миллиард еврога оладиган қурол ҳажмини икки баравар оширади. Бизнинг қўллаб-қувватлашимизнинг ҳақиқий қиймати 80 миллиард еврогача кўтарилади”, дея ёзган Европа комиссари.

Шунингдек, у Украинанинг ёнида Европа Иттифоқи мамлакатлари борлигини эслатган. 

“Шундай қилиб, “куч орқали дунё” формуласи амалда ҳақиқатан ҳам ишлаши мумкин. Кредитлар Украина учун кучдир!” дея таъкидлаган Кубилюс.

Маълумот учун, Европа Иттифоқи мамлакатлари Украинага 2025 йил учун 23 миллиард евро миқдорида ҳарбий ёрдам ажратган. 2024 йилда Киев АҚШ билан биргаликда Европа мамлакатларидан 40 миллиард еврогача пул олган.

Эслатиб ўтамиз, аввалроқ бир қатор Европа давлатлари АҚШ ҳарбий ёрдамни тўхтатиши мумкинлиги сабабли Украинада қурол ишлаб чиқаришга сармоя киритишни бошламоқчилиги ҳақида хабар берилган эди.