Зеленский фронтнинг энг қийин ҳудудига борди
World
−
30 December 2023 12674 1 minute
Украина Президенти Владимир Зеленский Донецк вилоятининг Авдеевка шаҳрига борди. Бу ҳақда у ўзининг Telegram-каналида хабар берди.
Қайд этилишича, Зеленский фронт чизиғидаги барча аскарларга хизматлари учун ва бундай жангчилар туфайли бутун мамлакат омон қолган йил учун миннатдорлик билдирган.
“Шахсан мен аскарларга миннатдорлик билдирдим. Биз қўмондон билан мудофаа ҳолати ва асосий эҳтиёжларни муҳокама қилдик”, деб ёзган Зеленский.
У Авдеевкани фронтнинг энг қийин секторларидан бири деб атаган.
Шунингдек, у Украина Қуролли кучларининг 110-алоҳида механизациялашган бригадаси жангчиларини тақдирлаган.
Зеленский билан бирга Президент девони раҳбари Андрей Ермак ҳам тақдирлашда иштирок этган.
Уруш пайтида Зеленский фронтдаги жангчилар позицияларига бир неча бор ташриф буюрган. У Изюм, Херсон, Бахмут яқинида бўлган. Авдеевкада 2023 йил апрель ойида ташриф буюрган.
