Тошкентда юк машинаси ёниб кетди (видео)
Crime
−
07 February 2023 4429 1 minute
Тошкент вилояти Янгийўл туманида Howo русумли юк машинаси ёниб кетди. Бу ҳақда Фавқулодда вазиятлар вазирлиги Матбуот хизмати хабар берди.
Қайд этилишича, жорий йилнинг 6 февраль куни соат 21:29 да “Қоратепа” маҳалласидаги автомобилларга газ қуйиш шохобчаси ҳудудида юк машинасида ёнғин чиққан.
Зудлик билан воқеа жойига 4 та ёнғин-қутқарув экипажи соат 21:38 да етиб бориб, ёнғин соат 21:42 да қуршаб олинган ва 22:00 да тўлиқ бартараф этилган.
“Ҳодиса оқибатида фуқароларнинг тан жароҳати олиш ва ҳалок бўлиш ҳолатлари қайд этилмаган,” дейилади хабарда.
Эслатиб ўтамиз, жорий йилнинг 4 февраль куни Тошкент шаҳри Учтепа туманидаги кўприкдан ҳаракатланиб кетаётган “Газел” русумли автомобилда ёнғин юзага келган эди.
Live
All