Тезкор: АҚШнинг Эронга ҳужуми қачонгача чўзилиши айтилди

АҚШ Мудофаа вазири Пит Хегсет Америка ҳарбийларини Яқин Шарққа жойлаштириш муддатини яширинча узайтирмоқда, чунки Эронга қарши операция бу йил тугамаслиги мумкин. Бу ҳақда “The Wall Street Journal” ўз манбаларига таяниб хабар берди.

Нашрнинг эслатишича, Яқин Шарқда АҚШ Ҳарбий-денгиз кучларининг 19 та кемаси, қирувчи самолётлар эскадрильяси, ҳаво ҳужумидан мудофаа бўлинмалари ва десантчилар фаолият юритмоқда. Минтақадаги узоқ муддатли жойлаштириш ҳарбий хизматчиларнинг аҳволига салбий таъсир кўрсатмоқда ва ҳарбий техникага тўғри хизмат кўрсатиш имконини бермаяпти. Газетанинг ёзишича, логистика муаммолари туфайли денгизчилар яқинларидан хат ва посилкалар олишни анча камайтирган, шунингдек, захираларни тўлдириш жараёни ҳам қийинлашган.

Маълумотларга кўра, АҚШ раҳбари Дональд Трамп Теҳронга қарши ҳарбий ҳаракатлар тугаганини эълон қилиш ғоясини шахсан қўллаб-қувватламоқда ва Эрон Ислом Республикасига иқтисодий босим ўтказиш Вашингтонга ўз мақсадларига эришиш имконини беради, деб ҳисоблайди. Шунга қарамай, Яқин Шарқда 50 минг ҳарбий қолмоқда, дея таъкидлайди нашр.

Можаро чўзилиб кетганлиги сабабли, ҳарбий хизматчиларни жойлаштириш режалаштирилганидан узоқроқ давом этмоқда. Қайд этилишича, АҚШ армияси ҳаво ҳужумидан мудофаа кучлари ҳарбий хизматчиларининг жанговар жойлашувининг стандарт муддати 9 ойдан 12 ойга оширилди. Spruance ва Delbert D Black эсминецлари АҚШ ҳарбий операцияси бошланганидан бери Яқин Шарқда бўлиб, энди улар денгиз блокадасида иштирок этмоқда ва уларнинг экипажлари ойлаб қуруқликка чиқмасдан денгизда бўлиб турибди. Бундан ташқари, келгуси йилда Яқин Шарқда 82-ҳаво-десант дивизияси бўлинмалари қолиши мумкин. “The Wall Street Journal” манбаларига кўра, Theodore Roosevelt авиаташувчиси минтақага эҳтимолий ташишга тайёрланмоқда, унинг жанговар навбатчилиги келаси йилнинг баҳоригача чўзилиши мумкин.