Темирйўлдаги цистернага чиқиб олган фуқарони ток урди (видео)

Crime

−

13 June 2025 visibility15508 timer1 minute

Ижтимоий тармоқларда фуқаролардан бирини темирйўлда ток ургани ҳақида видеолар тарқалди. Ҳолат юзасидан “Ўзбекистон темир йўллари” АЖ маълумот берди.

Қайд этилишича, ҳодиса жорий йилнинг 10 июнь куни Андижон вилоятидаги Пойтуғ бекатида содир бўлган. Бегона фуқаролардан бири темирйўл станцияси ҳудудига кириб, иккинчи йўлда бўш турган цистернага чиқиб олган.

Вагонда бўлган эркак контакт тармоғидаги кучланиш таъсирига тушиб, ерга йиқилган. Станция навбатчи ходими воқеага зудлик билан муносабат билдириб, тез тиббий ёрдам бригадасини чақирган.

Жабрланувчига зарур тиббий ёрдам кўрсатилиб, шифохонага олиб борилган.

Эслатиб ўтамиз, жорий йилнинг 8 июнь куни Самарқанд вилоятининг Тойлоқ туманида дўконга камера ўрнатишга борган хусусий фирма ишчилари ток уруши оқибатида вафот этганди.

Author