Сурхондарёда қурилиш моллари дўконлари ёниб кетди (видео)
Crime
−
11 February 2023 8353 1 minute
Сурхондарё вилояти Шеробод туманида ёнғин содир бўлди. Бу ҳақда вилоят Фавқулодда вазиятлар бошқармаси хабар берди.
Қайд этилишича, жорий йилнинг 10 февраль куни соат 15:32 да Шеробод тумани “Дўстлик” маҳалласи Мустақиллик кўчасида жойлашган “Шербой Шахзод” МЧЖга қарашли 3 та қурилиш материаллари савдо дўконларининг 75 квадрат метр майдонида ёнғин содир бўлган.
Воқеа жойига ёнғин-қутқарув экипажлари етиб бориб, ёнғин қуршаб олинган ва батамом ўчирилган.
Ёнғин қутқарувчиларининг сай-ҳаракатлари натижасида 800 квадрат метр жой сақлаб қолинган.
“Ҳозирда ёнғин келиб чиқиш сабаблари ва моддий зарар миқдори аниқланмоқда”, дейилади хабарда.
Live
All