Осиё ўйинлари якунланди. Ўзбекистон ғазнасида нечта медаль бор?
Sport
−
13:06 7677 1 minute
Бугун, 4 октябрь куни Япониянинг Аичи-Нагоя шаҳарларида бўлиб ўтган Осиё ўйинлари ўз якунига етди. Ушбу мусобақада ўзбекистонлик спортчилар жами 70 та медалга эга чиқди.
Жорий йилги Осиё ўйинларида умумий ҳисобда Ўзбекистон атлетлари 21 та олтин, 25 та кумуш ва 24 та бронза медалга сазовар бўлди. Ушбу натижа 1994 йилда Ўзбекистон илк иштирокини бошлагандан бери мусобақадаги иккинчи энг яхши натижа ҳисобланади. Бундан олдинги энг яхши натижа 2023 йилда Хитойнинг Ханчжоу шаҳрида ўтказилган Осиё ўйинларида қайд этилган. Ўша мусобақда Ўзбекистон делегацияси 22 та олтин, 18 та кумуш ва 31 та бронза – жами 71 та медалга эга чиққан.
Эслатиб ўтамиз, аввалроқ Осиё ўйинларида олтин медаль олган ўзбекистонлик спортчиларга 25 000 АҚШ доллари миқдорда пул мукофоти берилиши ҳақида хабар берилганди.
