Олмазорда кафе ёниб кетди (видео)
Crime
−
26 July 2021 10904 1 minute
Бугун, 26 июль куни соат 13:14 ларда Тошкент шаҳри Олмазор туманида умумий овқатланиш шахобчаларидан бири ёниб кетди. Бу ҳақда Фавқулодда вазиятлар вазирлиги Матбуот хизмати хабар бермоқда.
Қайд этилишича, ёнғин Олмазор тумани Аҳмад Дониш кўчасида жойлашган “Замондош” ошхонасида содир бўлган. ФВВнинг 5 та ёнғин-қутқарув гуруҳи воқеа жойига етиб келган. Ёнғин 13:33 ларда ўраб олиниб, соат 14:31 да батамом ўчирилган.
Маълум қилинишича, овқатланиш шахобчасининг 400 квадрат метр майдони ёнғин оқибатида зарарланган. Ҳодиса оқибатида тан жароҳати олган ва ҳалок бўлганлар тўғрисида маълумотлар йўқ.
Live
All
