Мисрдаги пляжда россиялик фуқарони еган акула ушланди

World

−

09 June 2023 visibility21718 timer1 minute

Мисрдаги пляжда россиялик 23 ёшли сайёҳни еб юборган акула маҳаллий балиқчилар томонидан ушланди. Бу ҳақда “Skynews Arabiya” нашри хабар берди.

Унда айтилишича, акула маҳаллий балиқчилар билан бирга қутқарувчилар томонидан ушланган. Шунингдек, хабарда Миср атроф-муҳитни муҳофаза қилиш вазирлиги ҳужум қилган акуланинг йўлбарс турига мансублигини маълум қилди.

Россиянинг Хургададаги консули Виктор Воробевнинг сўзларига кўра, акула еган йигит Россия фуқароси бўлиб у 1999 йилда туғилган.

“Акула ҳужумига учраган россиялик Мисрга жорий йилнинг июнь ойи бошида келган. Унинг ёши йигирма тўртда эди. У акула ҳужумига учраганда соҳилдан 35 метр узоқликда бўлган эди”, дейди консул.

Деярли бир йил олдин ҳам Қизил денгизда 68 ёшли австриялик сайёҳ акула ҳужумига учраб вафот этиши оқибатида Мисрдаги бир қатор пляжлар ёпилган эди.

Author

Мисрдаги пляжда россиялик фуқарони еган акула ушланди

Nurmuhammad Fayzullaev