Месси “Барселона”, “Ман Сити” ва бошқа гранд клублар иштирок этувчи турнир ташкил этади

Sport

−

15 October 2025 visibility2957 timer1 minute

“Интер Майами” ва Аргентина терма жамоаси ҳужумчиси Лионель Месси ёшлар ўртасида халқаро турнир ташкил этади. Бу ҳақда футболчи ижтимоий тармоқдаги саҳифасида маълум қилди.

Мессининг ёзишича, мусобақа Messi Cup дея номланади. Ушбу турнирда Англиянинг “Челси” ва “Манчестер Сити”, Италиянинг “Интер”, Испаниянинг “Барселона” ва “Атлетико”, Аргентинанинг “Ривер Плейт” ҳамда “Ньюэлз Олд Бойз” ва АҚШнинг “Интер Майами” клубларининг ёшлар тоифасидаги жамоалари иштирок этади.

Маълумот учун, Messi Cup жорий йилнинг 9 - 14 декабрь саналари оралиғида АҚШда бўлиб ўтади.

Эслатиб ўтамиз, аввалроқ Мессининг МЛСда янги рекорд ўрнатганлиги ҳақида хабар берилган эди.

Жаҳонгир Иномжонов

Author