Ла Лигада 2-ўрин учун кураш қизимоқда

Sport

−

25 May 2023 visibility4741 timer1 minute

“Реал Мадрид” ва “Атлетико” Испания чемпионати турнир жадвалидаги ўринларини алмашди.

Диего Симеоне шогирдлари 36-турда “Эспаньол” билан дуранг ўйнади (3:3). 36 турдан кейин “матрасчилар” ҳисобида 73 очко бор.

Мадриднинг “Реал” клуби эса 36-турда “Райо Вальекано”ни мағлуб этди (2:1). Анчелотти шогирдлари 74 очко билан “Атлетико Мадрид”ни ортда қолдириб, Испания чемпионати турнир жадвалида 2-поғонага кўтарилиб олди.

Каталониянинг “Барселона” клуби муддатидан аввал Ла Лигада ғолибликни қўлга киритганди. Жамоа ҳисобида 85 очко мавжуд.

Чемпионатнинг қолган ўйинларида “қироллик клуби” “Севилья” ва “Атлетик” билан, “Атлетико” эса “Реал Сосьедад” ва “Вильярреал” клублари билан тўқнаш келади.

Author