Кичик Кеннеди АҚШга президент бўлмоқчи

АҚШнинг 35-президенти Жон Кеннедининг жияни, ҳуқуқшунос ва сиёсатчи кичик Роберт Кеннеди 2024 йилги президентлик сайловларида номзод бўлиш учун ариза топширди. Бу ҳақда CNN хабар берди. 

Унга кўра, 69 ёшли кичик Кеннеди АҚШ Демократик партиясидан номзод бўлиш учун курашга кирган.

Сиёсатчи сенатор Роберт Кеннедининг (1925-1968) ўғли ва собиқ Америка етакчиси Жон Кеннедининг (1917-1963) жияни ҳисобланади. Канал таъкидлаганидек, кичик Кеннеди доимий равишда эмлашга қарши. У ҳам экология фаоли. 

Кичик Кеннеди 2024 йилда президентликка номзодини қўйиш ниятини тасдиқлаган иккинчи демократ номзод бўлди. Жорий йилнинг март ойида ёзувчи Марианна Уильямсон 2020 йилги сайловларда Демократик партиядан президентликка номзод бўлишга интилаётган пайтда ўз номзодини эълон қилди. Американинг амалдаги раҳбари Жо Байден қайта сайланишга умид қилаётганини очиқ айтди. Бироқ у ҳали янги сайлов кампанияси бошланганини эълон қилмаган.