АҚШда демократ ўз партиядоши ўрнига республикачини қўллаб-қувватлади

АҚШда оралиқ сайловлар арафасида Демократик партия ичида жиддий келишмовчилик юзага келди. Мичиган штати вакили, демократик сиёсатчи Хейли Стивенс Сенат сайловида ўз партиядошини эмас, балки Республикачилар партияси номзоди Майк Рожерсни қўллаб-қувватлашини маълум қилди. Бу ҳақда “Bild” нашри хабар берди.

Стивенс Демократик партиядан Сенатга номзод Абдул ал-Сайидни қўллаб-қувватлашдан бош тортган. Унинг ўрнига республикачилар номзоди Майк Рожерс тарафини олган. Рожерс аввал ФҚБ агенти бўлиб ишлаган, АҚШ Вакиллар палатасида 14 йил фаолият юритган ва у ерда разведка қўмитасига раҳбарлик қилган.

Стивенснинг бундай қарорга келишида унинг Абдул ал-Сайид билан аввалдан сиёсий рақобатда бўлгани ҳам сабаб бўлиши мумкин. Унинг ўзи ҳам Демократик партиядан Сенатга номзод бўлиш учун курашган, бироқ ёзда партия ичидаги сайловларда озгина фарқ билан мағлуб бўлган. Шундан сўнг Стивенс очиқчасига Абдул ал-Сайидга қарши чиқишни бошлаган.

У партиядошини сайловолди кампаниясида “нафрат қўзғатиш”да айблаган. Стивенс ижтимоий тармоқдаги видеомурожаатида: “Мен АҚШ Сенати сайловида Майк Рожерсни қўллаб-қувватлайман”, деб айтган.

Келишмовчиликнинг мафкуравий сабаблари ҳам бор. Стивенс Демократик партиянинг мўътадил ва Исроилни қўллаб-қувватловчи қанотига мансуб. Абдул ал-Сайид эса анча сўл қарашларга эга бўлиб, АҚШнинг Исроилга ҳарбий ёрдам кўрсатишига қарши чиқади.

Стивенснинг республикачилар номзодини қўллаб-қувватлаши партия сафида норозиликка сабаб бўлган. Сенатдаги демократлар етакчиси Чак Шумер унинг бу қарорини “жирканч хиёнат” деб атаган.

Мазкур келишмовчилик сайлов натижаларига ҳам таъсир кўрсатиши мумкин. Агар Рожерс демократлар эгаллаб турган Сенат ўрнини қўлга киритса, Демократик партия кўпчиликни таъминлаш учун бошқа штатларда ҳам қўшимча ўринларни қўлга киритишига тўғри келади.

АҚШ Президенти Дональд Трамп ҳам Абдул ал-Сайидни кескин танқид қилиб келмоқда. У сиёсатчини “жиҳодчи” деб атаган. Шу билан бирга, Трамп Truth Social ижтимоий тармоғида Стивенснинг қарорини қўллаб-қувватлаб, уни жасорат намунаси деб баҳолаган.

“Бундай жасоратга конгрессвумен Хейли Стивенс яқинда намойиш этган даражада эга бўлган инсонлар жуда кам”, деб ёзган Трамп.

Сўровномаларда Абдул ал-Сайид ҳануз Роджерсдан олдинда бормоқда. Унинг устунлиги тахминан 5 фоизни ташкил этмоқда. Бироқ Рожерс