Ҳиндистонда “Яас” тўфони сабаб миллионлаб одам кўчирилди

World

−

26 May 2021 visibility7850 timer1 minute

Ҳиндистонда Одиша ва Ғарбий Бенгалия штатининг соҳил ҳудудларидан ёпирилиб келаётган “Яас” тўфони туфайли 3,5 миллион киши эвакуация қилинди. Бу ҳақда NDTV телеканали хабар қилди.

Миллий метеорология хизмати прогнозларига кўра, “Яас” яқин вақт ичида Парадип ва Сагар ороли ўртасидаги соҳилга яқинлашади. Аҳоли кучли ёмғир ёғиши ва сониясига 51 метр тезликда ҳаракатланадиган шамолга дуч келади. Тўфон Бенгал кўрфази томонидан ҳаракатланмоқда.

Одишада қарийб 3 миллион киши, Ғарбий Бенгалияда эса 500 минг киши ўз уйларини тарк этган. Аҳоли кучли тропик бўрон ёпирилаётган ҳудудни тарк этишни давом этмоқда.