Ҳабиб эмас. Уайт UFC’даги энг кучли жангчи кимлигини айтди

Sport

−

03 June 2021 visibility13269 timer1 minute

UFC президенти Дана Уайт UFC-261 жангларидан сўнг ўтказилган матбуот анжуманида журналистлар билан суҳбат ўтказди. Вазн тоифасидан қатъий назар энг кучли UFC жангчиси Камару Усман экани ҳақидаги саволга у қуйидагича жавоб берди.

“Ҳа, сизнинг фикрингизга қўшиламан. Камару ҳозирги пайтда ҳар қандай вазн тоифасида тенгсиз. Уни баъзилар “зерикарли спортчи”, дейиши мумкин, бироқ у жуда кучли. Унга бас келиш ўта қийин. Масвидални енгганидан сўнг мен бунга яна бир бор амин бўлдим”, дейди у.

Эслатиб ўтамиз, UFC-261 да Камару Усман Хорхе Масвидални иккинчи раунддаёқ енгиб, ғалабани қўлга киритган эди. Айни дамда Pound-for-Pound рейтингида Камару Усман иккинчи ўринни эгаллаб турибди. Биринчи ўринда эса Жон Жонс қайд этилган.

Абдулла Маннонов

Author