Zelenskiyga suiqasd uyushtirishni rejalashtirgan polkovniklar hibsga olindi

Ukrainada Rossiya maxsus xizmatlarining ko‘rsatmalari bilan Prezident Vladimir Zelenskiy, Ukraina xavfsizlik xizmati rahbari Vasiliy Malyuk, Bosh razvedka boshqarmasi rahbari Kirill Budanov va boshqa yuqori lavozimli amaldorlarga suiqasd uyushtirishga tayyorgarlik ko‘rayotgan uch ayblanuvchi bilan birga Davlat xavfsizlik boshqarmasining ikki polkovnigi qo‘lga olindi. Bu haqda Ukraina xavfsizlik xizmati xabar berdi.

“Strana” nashrining yozishicha, Davlat xavfsizlik boshqarmasi polkovniklari Andrey Guk va Derkach qo‘lga olingan.

"Hujumchilar tintuv qilindi, uning davomida tegishli qurollar, shuningdek, jinoiy faoliyatning boshqa dalillari topildi va musodara qilindi", deyiladi Ukraina xavfsizlik xizmati xabarida.

Qayd etilishicha, gumondorlar ijrochi roli uchun ular Prezident xavfsizligiga yaqin bo‘lgan, "davlat rahbarini garovga olib, keyin uni o‘ldirishi mumkin bo‘lgan" harbiy xizmatchilarni izlagan.

Xavfsizlik xizmatining ta’kidlashicha, ular Budanovni Pasxa bayramidan oldin u joylashgan uyga raketa zarbasi uyushtirish orqali o‘ldirmoqchi bo‘lgan. Qolganlarni yo‘q qilish uchun dronlardan foydalanish va qolgan izlarni olib tashlash uchun boshqa raketadan foydalanish reja qilingan. Ushbu missiya uchun FPV dronlari, RPG zaryadlari va piyodalarga qarshi minalar Ukrainaning boshqa mintaqasidan Davlat xavfsizlik boshqarmasi polkovnigi tomonidan shaxsan olib kelingan.

“Teraktning potensial ijrochisi va Rossiya Federal xavfsizlik xizmati "kuratori" o‘rtasidagi suhbatlar yozib olingan”, deyiladi Ukraina xavfsizlik xizmati bayonotida.

Davlat xavfsizlik boshqarmasi xodimlari hibsga olingan.

Eslatib o‘tamiz, oldinroq Polshada Ukraina Prezidenti Vladimir Zelenskiyga suiqasd uyushtirishda gumon qilingan shaxs qo‘lga olingandi.