Mirzo Ulug‘bek tumani IIBning manzili o‘zgardi
Jamiyat
−
30 may 2019 5265
Toshkent shahar Mirzo Uluhbek tumani Ichki ishlar organlari faoliyatini muvofiqlashtirish boshqarmasi (IIO FMB) binosi boshqa joyga ko‘chirildi. Bu haqda Toshkent shahar IIBB Matbuot xizmati xabar berdi.
“Shuni ma’lum qilamizki, Mirzo Ulug‘bek tumani IIO FMB boshqa binoga ko‘chgani sababli 30 may kunidan quyidagi manzilda o‘z faoliyatini davom ettiradi. Manzil: Buyuk Ipak Yuli ko‘chasi, 243 uy (“Nodira Begim” mahallasi, mo‘ljal – sobiq Toshkent viloyati IIB, “Gulshan” bog‘i qarshisida). Navbatchi qism telefonlari: 71-267-33-50, 71-267-33-62 va 102”, deyiladi xabarda.
Raqamlash tartibi o‘zgargani sababli, Mirzo-Ulug‘bek tumani “Olmachi”, “Podshobog‘”, “Elobod”, “Buyuk Ipak Yuli”, “Turon” mahallalariga xizmat ko‘rsatadigan Mirzo Ulug‘bek tumani IIO FMB 1-ichki ishlar bo‘limi endi 6-ichki ishlar bo‘limi bo‘ldi va 30 maydan shu manzilda joylashgan: Bo‘z bozor ko‘chasi, 4 uy (manzil: Toshkent shahar IIBB Migratsiya va fuqarolikni rasmiylashtirish boshqarmasi, Mirzo Ulug‘bek Migratsiya va fuqarolikni rasmiylashtirish bo‘limi).
Mirzo Ulug‘bek tumani IIO FMB 6-ichki ishlar bo‘limi telefonlari 71-260-15-60 va 102.
