Shotlandiyaning birinchi musulmon Bosh vaziri iste’foga chiqdi

Shotlandiya mintaqaviy Bosh vaziri va Shotlandiya milliy partiyasi (SNP) rahbari Hamza Yusuf iste’foga chiqdi. Bu haqda u kecha, 29 aprel kuni Shotlandiya poytaxti Edinburgdagi Bosh vazirlik idorasining rasmiy qarorgohida uyushtirilgan matbuot anjumanida ma’lum qildi.

SNP partiyasi va uning koalitsiya hamkori Shotlandiya Yashil partiyasi o‘rtasidagi hokimiyatni taqsimlash bo‘yicha kelishuv o‘tgan hafta yakunlanganini eslatgan Yusuf Yashillar partiyasining bu qaroridan kelib chiqqan qayg‘u va umidsizlikni tasavvur qila olmasligini bildirdi. U faqat hokimiyatni saqlab qolish uchun o‘z tamoyillaridan voz kechmasligini aytdi. Yusuf kelishuvga erishish orqali ishonch votumini olishi mumkinligini qo‘shimcha qildi, biroq u iste’foga chiqishni tanladi.

“Siyosatchilar o‘rtasidagi munosabatlarning tiklanishi faqat lavozimda boshqa shaxs bo‘lgan taqdirdagina mumkin, degan xulosaga keldim”, deydi Yusuf vorisi saylanmaguncha o‘z lavozimida qolishini ta’kidlab.

Uning aytishicha, Shotlandiya mintaqaviy Bosh vaziri lavozimida ishlash u uchun katta sharafdir. Siyosatchi Shotlandiyaning Buyuk Britaniyadan mustaqil bo‘lishi juda yaqin bo‘lgan bir paytda iste’foga chiqayotganini ta’kidladi.

Yusuf Buyuk Britaniya Bosh vaziri hind, London meri musulmon, Uels mintaqaviy Bosh vaziri esa afrikalik ekanini eslatdi. Uning qayd etishicha, mamlakatda multikulturalizm barbod bo‘ldi, deganlarning tezislari bu holat bilan inkor etiladi.

Yusuf deputatlik faoliyatini davom ettirishini aytdi.

“Dunyo ko‘rgan eng dahshatli gumanitar falokatni boshidan kechirgan va davom etayotgan G‘azo kabi mamlakat ichida va tashqarisida har doim ham eshitilmaydiganlarning ovozi bo‘lishda davom etaman”, deydi siyosatchi.

Hamza Yusufning iste’foga chiqish qarori payshanba kuni uning partiyasi va Shotlandiya Yashillar partiyasi o‘rtasida hokimiyatni taqsimlash to‘g‘risidagi kelishuvni e’lon qilganidan so‘ng keldi. SNP va Shotlandiya Yashillar partiyasi emissiya maqsadlari bo‘yicha kelishmovchiliklardan so‘ng uch yillik koalitsiyani tugatishga qaror qilishdi.

Eslatib o‘tamiz, 2023 yil 27 martda Shotlandiyaning sobiq birinchi vaziri va SNP rahbari Nikola Sturgeonning iste’foga chiqishi ortidan boshlangan yetakchilik poygasida g‘olib chiqqan Yusuf ikki kundan so‘ng qasamyod qilgan va 29 mart kuni rasman o‘z lavozimiga kirishib, Shotlandiyaning birinchi musulmon bosh vaziri bo‘lgandi. Hamza Yusufning otasi, asli pokistonlik, 1960 yillarda Shotlandiyaga ko‘chib kelgan, onasi esa Keniyadan.