Mirziyoyev Bangladesh Prezidentini qabul qildi
Jamiyat
−
15 iyun 2019 2645
Bugun, 15 iyun kuni tongda O‘zbekiston Respublikasi Prezidenti Shavkat Mirziyoyev Dushanbe shahridagi o‘ziga ajratilgan qarorgohda Bangladesh Xalq Respublikasi Prezidenti Abdul Hamidni qabul qildi.
Uchrashuvda ikki tomonlama hamkorlikni, shuningdek, xalqaro va mintaqaviy tashkilotlar doirasidagi sheriklikni kengaytirish istiqbollari ko‘rib chiqildi.
Savdo, investitsiyalar, qishloq xo‘jaligi, turizm va gumanitar sohalarda qo‘shma loyihalarni amalga oshirish masalalariga alohida e’tibor qaratildi.
Hukumatlararo va idoralararo darajadagi aloqalarni faollashtirish va qo‘shma tadbirlar o‘tkazish to‘g‘risida kelishuvga erishildi.
Bangladesh Prezidenti Abdul Hamid Dushanbedagi OHICHK sammitidan so‘ng O‘zbekiston madaniy-tarixiy markazlari bilan tanishish uchun O‘zbekistonga tashrif tashkil etilgani uchun samimiy minnatdorlik bildirdi.
Live
Barchasi07 noyabr 2023
07 noyabr 2023
07 noyabr 2023
