Hindistonda koronavirusni “daf qilish uchun” odam qurbon qilindi

Hindistonda ruhoniy koronavirusni yengish uchun odamning boshini kesib tashladi. Bu haqda "Lenta.ru" nashri xabar berdi.

Hodisa Hindistonning Orissa shtatida yuz berdi. 72 yoshli ruhoniy va 52 yoshli odam o‘rtasida diniy nizo kelib chiqqan. Natijada ruhoniy uning oldiga kelgan odamga hujum qilib, marosim xonasida kaltaklaydi va boshini tanasidan judo qiladi. Ma’lum qilinishicha, ruhoniy tezda politsiyaga taslim bo‘lgan.

Ruhoniy u tushida unga ko‘ringan va inson qurboni koronavirusni yo‘q qilishga va’da bergan xudolarning buyrug‘iga binoan harakat qilganini aytdi. Politsiya ma’lumotlariga ko‘ra, qotillikda ayblanayotgan ruhoniy voqea paytida mast bo‘lgan.

Avvalroq, Eronda qizlarni turmushga chiqarishda majburlashni taqiqlash va ayollarga nisbatan zo‘ravonlikni kamaytirish to‘g‘risidagi qonunlarni kuchaytirish to‘g‘risida qaror qabul qilingan edi. Bu mamlakatning shimolidagi Talesh tumanidagi qishloqda otasi o‘zining 14 yoshli qizini o‘ldirgandan keyin sodir bo‘ldi.