100, 200 ва 500 сўмлик пулларнинг қачон муомаладан чиқарилиши маълум бўлди

Аввалроқ, 100, 200 ва 500 сўмлик майда пуллар аста-секин муомаладан чиқарилиши ва танга пулларга алмаштирилиши ҳақида хабар берган эдик. QALAMPIR.UZ манбасининг маълум қилишича, уларнинг амал қилиш муддатлари белгиланган. 

Унга кўра, ҳозирги кунда муомалада бўлган эски намунадаги 50 ва 100 сўмлик тангаларнинг, қолаверса, 1994 йил намунасидаги 50 ва 100 сўмлик банкнотларнинг амал қилиш муддати 2019 йилнинг 1 июлигача этиб белгиланган. 

Шунингдек, 200 ва 500 сўмликларнинг ҳам амал қилиш муддати бўйича қарор қабул қилинган. Унга кўра, 200 ва 500 сўмлик банкноталарнинг 2020 йилнинг 1 июлигача амал қилади. 

Банкнотлар ва тангалар белгиланган муддатгача қонуний тўлов воситаси ҳисобланади ва банк кассаларида қиймати бўйича айирбошлаб берилади. 

Эски намунадаги банкнотларни айирбошлаш учун белгиланган муддатлар тугаганидан сўнг, улар қонуний тўлов воситаси бўлиб ҳисобланмайди.