Пискентда товуқ фермаси ёниб кетди (видео)
3-саҳифа
−
21 Декабрь 2023 7178
Тошкент вилояти Пискент туманида паррандачилик фермаси ёниб кетди. Бу ҳақда Фавқулодда вазиятлар вазирлиги маълум қилди.
Бугун, 21 декабрь куни соат 15:20 да Пискент тумани, “Култепа” МФЙда жойлашган паррандачилик фермаларининг бирида ёнғин содир бўлаётганлиги тўғрисида ФВБга хабар тушган.
Шунга кўра, 5 та ёнғин-қутқарув экипажлари соат 15:33 да воқеа жойига етиб борган. Ҳозирда ёнғинни бартараф этиш ишлари олиб борилмоқда. Вазият тўлиқ назоратга олинган.
“Дастлабки маълумотларга кўра, фуқароларни куйиш, тан-жароҳати олиш ва ҳалок бўлиш ҳолатлари бўйича маълумот келиб тушмади”, дейилади хабарда.
Эслатиб ўтамиз, Урганчда сомсахонадан келиб чиққан ёнғин оқибатида ёйма савдо расталари ёниб кетганди.
Live
Барчаси
