...
МЕНЮ
ONLINE TV

Ўзбекистонда яна бир собиқ прокурор, унинг хотини ва ўғли порахўрликда айбланмоқда


12:55, 22.03.2018 Жамият
 18 563

Бош прокуратура Мираълам Мирзаев ва унинг оила аъзолари устидан жоний иш қўзғатилгани ҳақида расмий ахборот берди.

Аввалроқ, Тошкент шаҳар прокурорининг коррупция ва иқтисодий жиноятлар бўйича собиқ ўринбосари, адлия катта маслаҳатчиси Мираълам Мирзаев қўлга олингани, унга нисбатан жиноий қўзғатилгани ҳақида хабарлар тарқалган эди. Орадан кўп ўтмай, Ўзбекистон Республикаси Бош прокуратураси ушбу хабарлар ҳақиқатдан йироқ эканини маълум қилиб чиқди.
 
Бугун, 22 март куни Ўзбекистон Республикаси Бош прокуратураси Мираълам Мирзаев ва унинг оила аъзолари устидан жоний иш қўзғатилгани ҳақида расмий ахборот берди.
 
Унда маълум қилинишича, Бош прокуратура томонидан Ўзбекистон Республикаси собиқ Бош прокурори Рашид Қодировга нисбатан ўтказилаётган жиноят иши тергови доирасида Тошкент шаҳар прокурорининг собиқ биринчи ўринбосари М.А.Мирзаев, унинг турмуш ўртоғи М.Х.Мирзаева, ўғли А.М.Мирзаев иштирокида жуда кўп миқдорда пора олиш, бошқа мансабдорлик жиноятларини содир этганлик ҳолатлари юзасидан тергов ҳаракатлари олиб борилмоқда.


 
“Шу муносабат билан, агар Сиз кўрсатилган шахслар томонидан содир этилган пора олиш, мансаб ваколатларини суиистеъмол қилиш ёки бошқа жиноий қилмишлар оқибатида жабрланувчи ёки гувоҳ бўлган бўлсангиз, Бош прокуратурага ариза билан мурожаат қилишингиз ёки 233-63-33, 236-00-76 телефон рақамлари орқали хабар беришингиз мумкин”, дейилади Бош прокуратура ахборотида. 

Теглар:Ўзбекистон Республикаси Бош Прокуратураси Рашид Қодиров Мираълам Мирзаев 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Қайси мобил оператор хизматидан фойдаланасиз?

Барча сўровлар