Луганскда назорат кучайтирилади

Бугун, 19 сентябрь куни тан олинмаган Луганск Халқ Республикаси Ҳукуматининг раиси Сергей Козлов республика иқтисодиёти учун стратегик муҳим объектларни ҳимоя қилишни кучайтиришни буюрди. Бу ҳақда РИА Новости хабар бермоқда.

Козловнинг таъкидлашича, бу аввало, электр станциялари ва йўл ўтказгичларига тегишли.

ЛХР куч тизимларидаги манбанинг хабар беришича, бир неча шахс Луганскдаги Лутугинская ва Иккинчи қурилиш кўчалари чорраҳасида кўприкни портлатишга уринган: бетон конструкциялар қисман вайрон бўлган, аммо арматура жойида қолган. Ички ишлар вазирлиги ушбу воқеани теракт деб атади.

Тан олинмаган ЛХР бир неча бор Киев Минск келишувларини четлаб ўтиб, саботаж уюштираётгани ва кескинликнинг кучайишига ҳисса қўшаётганини таъкидлаган. 

Август ойида бошқа бир тан олинмаган Донецк Халқ Республикаси хавфсизлик кучлари томонидан тўртта электр узатиш линиясининг таянчлари ишдан чиқарилиши ва Горловканинг катта зарбалари ҳақида хабар берилди. Ўтган ҳафта ДХРда темир йўлда портлашнинг олди олинди.

Маълумот учун, 2014 йил 27 апрелида Украинадаги тартибсизликлар сабаб, мамлакатнинг Луганск вилояти ўзини республика деб эълон қилди ва ўша йилнинг 12 майида Украинадан мустақиллигини эълон қилган. Ундан бироз аввалроқ, 2014 йилнинг 7 апрелида Украинанининг Донецк вилояти ҳам ўзини республика деб эълон қилган ва 2014 йил 12 май куни Украинадан мустақиллигини эълон қилган.

Бироқ жаҳон ҳамжамияти бу республикаларни тан олмайди ва Украинаининг таркибий қисми деб билади.