Жапаров ниятига етди

north_east

Ислом Каримов ишлаган хонадан эксклюзив видеорепортаж

Аввалроқ, Қирғизистон Республикаси Бош вазири – Президент вазифасини вақтинча бажарувчи Садир Жапаров Шанхай ҳамкорлик ташкилотига аъзо давлатлар раҳбарлари саммитида Россия Федерацияси Президенти Владимир Путин билан телефонда мулоқот қилмоқчи эканини айтган эди. Жапаров кутган мулоқот кеча, 13 ноябрь куни бўлиб ўтди. Бу ҳақда Россия Президенти Матбуот хизмати хабар бермоқда. 

Қайд этилишича, Президентлар икки мамлакатнинг коронавирусга қарши биргаликда кураш масаласини муҳокама қилганлар. 

"Икки томонлама кун тартибидаги савдо-иқтисодий ва гуманитар соҳалардаги ҳамкорликка, шунингдек коронавирус инфекциясига қарши биргаликда курашишга қаратилган бир қатор амалий масалалар муҳокама қилинди", дейилади хабарда. Таъкидланишича, суҳбат Қирғизистон томонининг ташаббуси билан бўлиб ўтган. 

Суҳбат давомида Путин Қирғизистондаги вазият барқарорлашишига ва ички сиёсий муаммоларнинг тезроқ ҳал қилинишига умид билдирган. 

"Садир Жапаров октябрь ойида бўлиб ўтган парламент сайловларидан кейин содир бўлган воқеаларни ҳисобга олган ҳолда республикадаги вазиятнинг ривожланиши тўғрисида маълумот берди. Россия томони Қирғизистондаги вазият барқарорлашишига ва ички сиёсий муаммоларнинг тезкор ҳал этилишига умид билдирди", дейилади хабарда.

Таъкидланишича, бошқа мавзулар қаторида Россия-Қирғизистон муносабатларининг ҳолати ва истиқболлари муҳокама қилинган. Россия ва Қирғизистон ўртасидаги иттифоқ ва стратегик шерикликни мустаҳкамлаш бўйича тизимли ишларни давом эттириш нияти таъкидланган.

Эслатиб ўтамиз, Садир Жапаров бугун, 14 ноябрь куни Ўзбекистон Республикаси Президенти Шавкат Мирзиёев билан ҳам телефон орқали мулоқот қилди.