Жапаров давлатга қарши намойишлардан қўрқмаслиги ва қочмаслигини айтди

Қирғизистон Президенти Садир Жапаров мамлакатда бўлиб ўтаётган митинглардан қўрқмаслигини ва уларнинг иштирокчиларидан яширишни ният қилмаслигини айтди. 

“Биз митинглардан қўрқмаймиз. Митингга ўз шахсий манфаатларини кўзлаб келганларни кўрсам, қочиб кетадиган ёки яширинадиганлардан эмасман”, дейди у республиканинг “Кабар” давлат ахборот агентлигига берган интервьюсида. 

Унинг сўзларига кўра, агар у давлатни талон-торож қилган, қариндошлари ва дўстларини муҳим лавозимларга тайинлаган ёки давлатни инқирозга олиб келган бўлса, оммавий норозиликлардан қўрқиши мумкин.  

“Аксинча, мен ва жамоамиз кечаю кундуз қаттиқ меҳнат қилмоқда. Мамлакатни ботқоқдан зўрға олиб чиқдик”, дея давом этди Қирғизистон раҳбари ва республикада божхона ва солиқ соҳасидаги тизимли ўғирликларга чек қўйилганини эслатиб. Унинг айтишича, сўнгги йилларда давлат бюджети қарийб 3 баробарга оширилган. 

Шу билан бирга, Қирғизистон Президенти республика аҳолисининг аксарияти унинг жамоасининг давлат тараққиёти йўлида олиб бораётган йўналишини қўллаб-қувватлашини билдирган.  

Ўтган ҳафта давомида Қирғизистонда коррупсион схемаларда гумон қилиниб ҳибсга олинган собиқ амалдорларни қўллаб-қувватлаб бир неча митинглар бўлиб ўтди. Намойишчилар собиқ давлат хизматчиларининг ҳибсга олинишини сиёсий таъқиб сифатида баҳолаб, уларга нисбатан таъқибларни тўхтатишни талаб қилмоқда.