Зеленский Трамп Путинни тиз чўктириши мумкинлигини айтди

north_east

Зеленский Москвага зарба бермаслиги керак – Трамп 

Украина Президенти Владимир Зеленский фақат қаттиқ босимгина Кремлни ён беришга мажбур қилиши мумкинлиги ва АҚШ Президенти Дональд Трамп бунга қодир эканини айтди. Бу ҳақда у “New York Post” нашрига берган интервьюсида сўз очди.

Зеленскийнинг сўзларига кўра, Россия Президенти Владимир Путин гўёки қуролли можарога барҳам бериш учун муросага тайёр эмас.

Шу билан бирга, Украина раҳбари Трамп Россияда гўёки “ижтимоий портлаш”га олиб келиши мумкин бўлган қаттиқ чекловчи чораларни тезлаштириш орқали Россия етакчисини “тиз чўктириш” қудратига эга эканини таъкидлади.

“У буни ҳис қилиши керак”, дейди Зеленский.

Зеленский санкцияларни қўллаб-қувватлагани учун Оқ уйга жуда миннатдор эканини айтган ва бу орқали у Трампнинг агар Москва 50 кун ичида тинчлик келишувига рози бўлмаса, Россия нефтини сотиб олувчи давлатларга 100 фоиз божлар жорий этиши ҳақидаги эълонига ишора қилган.

“Эллик куннинг ҳар бир куни биз учун даҳшатли кундир”, деб хулоса қилган Зеленский.

Эслатиб ўтамиз, аввалроқ Президент Владимир Зеленский АҚШ Украинага қурол етказиб беришни тиклаганини маълум қилганди.