Зеленский илк бор Лавров билан учрашди

Украина Президенти Владимир Зеленский Россия Ташқи ишлар вазири Сергей Лавров билан БМТ Бош ассамблеяси йиғилишида мулоқот қилди. Бу ҳақда РИА Новости хабар бермоқда. 

Зеленскийнинг таъкидлашича, Лавров Донбасдаги ва Украина ичидаги можарога чек қўйишга умид қилаётганини айтган.

Бунга жавобан Президент урушни тугатишни ва ўз мамлакатидаги қон тўкилишини тўхтатиш ниятида эканини айтди. "Ҳа, илтимос, биз ҳамма нарсани қиляпмиз, бу бизнинг мамлакатимиз, бу бизнинг еримиз. Aгар сиз тайёр бўлсангиз, унда урушни тугатайлик. Ўз ҳудудларимизни беринг, одамлар билан алмашинг", деди Зеленский.

Маълумот учун, Украинада 2014 йил Евромайдон воқеалари, ҳокимиятга келган мухолифатни қўллаб-қувватлаган Киев, ғарбий ва Украина маркази ўртасидаги зиддиятларни кучайтирди, бу ерда Президент Янукович ва унинг тарафдорлари позициялари кучли эди. Қарама-қаршилик 2014 йил 22 январда, Украинада маъмурий биноларни тортиб олиш ва Янукович маъмурияти томонидан тайинланган маҳаллий раҳбарларни мажбуран олиб ташлаш билан бошланган. Оммавий норозиликлардан 2014 йил феврал ойида Киевдаги қарама-қаршилик Украинада ҳокимият алмашишига олиб келди.