Zangiotadagi koloniya podpolkovnigi kabinetida osilgan holda topildi
Jamiyat
−
30 aprel 2019 11764 1 daqiqa
Ichki ishlar vazirligi jazoni ijro etish Bosh boshqarmasining Toshkent viloyati manzil koloniyasi Jinoyat qidiruv bo‘limi katta tezkor vakili, podpolkovnik Asomxo‘ja Abrorov 26 apreldan 27 aprelga o‘tar kechasi o‘z kabinetida arqon bilan osilgan holatda topilgan. Bu haqdagi xabar ijtimoiy tarmoqlarda tarqaldi.
Qayd etilishicha, u suitsidal ruhiy tushkunlik simptomi sabab o‘z joniga qasd qilgan.
Voqeaga aniqlik, kiritish maqsadida O‘zbekiston Respublikasi Bosh prokuraturasi Matbuot kotibi Surayyo Rahmonova bilan bilan bog‘landik.
Unga ko‘ra, haqiqatan shunday holat aniqlangan. Ayni vaqtda suitsid holati bo‘yicha ixtisoslashtirilgan prokuratura tergovga kadar tekshiruvi o‘z ishini boshlagan. Tekshiruv o‘z ishini yakunlagach, batafsil ma’lumot beriladi.
Live
Barchasi