Ер усти метро линияси бир кунга ёпилади
Жамият
−
14 Февраль 2023 6815 1 дақиқа
Жорий йилнинг 18 февраль куни Тошкент метрополитенининг “Дўстлик-2” бекатидан то “Қўйлиқ” бекатигача бўлган қисми техник ишлар сабабли ёпилади. Бу ҳақда “Тошкент метрополитени”нинг Матбуот хизмати хабар берди.
Қайд этилишича, 18 февраль санасида метро темир йўлларида бажарилиши лозим бўлган техник ишларнинг сўнгги босқичи амалга оширилади.
“Келтирилган ноқулайлик юзасидан барча йўловчилардан узр сўраймиз”, дейилади хабарда.
Маълумотларга кўра, “Ер усти ҳалқа йўли” метро йўналиши 19 февраль санасидан доимий жадвал асосида ўз ҳаракатини давом эттиради.
Live
БарчасиПутин Имомали Раҳмонга таъзия билдирди.
22 Декабрь