Владимир Путин Бразилия Президентига ҳамдардлик билдирди
Спорт
−
30 Декабрь 2022 4703
Россия Президенти Владимир Путин Бразилия давлат раҳбари Жаир Болсонаруга афсонавий бразилиялик футболчи Пеленинг вафоти муносабати билан ҳамдардлик билдирди.
“Афсонавий футболчи вафоти муносабати билан чуқур ҳамдардлигимизни қабул қилинг. Эдсон Арантес до Нассименто Бразилия халқининг буюк фарзанди эди. Унинг истеъдоди, бетакрор маҳорати, чиройли, мафтункор ўйини туфайли футбол бутун дунёда, жумладан, Россияда ҳам миллионлаб одамларнинг севимли спорт турига айланди. Мен бу ажойиб инсон билан шахсан мулоқот қилиш бахтига муяссар бўлганман. Афсонавий Пеленинг оила аъзолари ва яқинларига ҳамда мамлакатингизнинг барча фуқароларига сизларга ҳамдардлигимни етказишингизни сўрайман”, дея Путин сўзларини келтиради Россия Президентининг расмий сайти.
Эслатиб ўтамиз, футбол қироли, 82 ёшли Пеле 29 декабрь кечки вақтда вафот этди. Унинг вафоти муносабати билан Бразилияда уч кунлик мотам эълон қилинди.
Live
Барчаси