Ўзбекистонда яна 227 бемор соғайди

Жамият 5363
image

Бугун, 9 июль куни Тошкентдаги Вирусология илмий-текшириш институти клиникасида 22 нафар бемор коронавирус инфекциясидан тузалгани ҳақида хабар берган эдик.

Шу соатларда эса пойтахтдаги Эпидемиология, микробиология ва юқумли касалликлар илмий-текшириш институти клиникасида 18 нафар, Тошкент тиббиёт академиясининг кўп тармоқли клиникасида 56 нафар, Нуронийлар сиҳатгоҳида 107 нафар, Самарқанд вилоятида 15 нафар, Наманган вилоятида 5 нафар, Бухоро вилоятида 4 нафар, жами 205 нафар коронавирус инфекциясига чалинган бемор соғайди.

Шундай қилиб, айни пайтгача Тошкент шаҳри ва вилоятида COVID-19 дан тузалганлар сони 4 652 нафарни ташкил қилмоқда. 

Самарқанд вилоятида коронавирус инфекциясидан фориғ бўлганлар сони 464 нафарга, Наманган вилоятида – 298 нафарга, Бухоро вилоятиди – 518 нафарга етди.

Ҳозирда мамлакат бўйлаб соғайганлар сони 7 287 нафарни ташкил этмоқда.

Qalampir.uz Tahririyati
Мақолага баҳо беринг
Баҳолаганлар: 211
Рейтинг: 3
Теглар
t
×