Ўзбекистонда 11 ёшли ўқувчи IELTS'дан 7,5 балл олди
Бу қизиқ
−
23 Май 2023 15513
Ўзбекистонда 11 ёшли 4-синф ўқувчиси 7,5 балл билан IELTS халқаро сертификатини қўлга киритди. Бу ҳақда Мактабгача ва мактаб таълими вазирлиги хабар берди.
Қайд этилишича, Миробод туманидаги 147-сонли умумтаълим мактабининг 4-“Б” синф ўқувчиси Абдуллоҳ Эгамбердиев инглиз тилидан 7,5 балл жамғариб, IELTS халқаро сертификатини қўлга киритган.
“Ўқувчимизни қўлга киритган натижалари билан муборакбод этамиз”, дейилади вазирлик хабарида.
Маълумот ўрнида, IELTS (International English Language Testing System) бу инглиз тилини билишни баҳолашнинг халқаро тизимидир. 130 та давлатда 900 та тест марказлари IELTS'ни ташкил қилади ва ўтказади.
Академик IELTS йилига 48 марта ўтказилади. IELTS балли 0 дан 9 гача бўлган шкала бўйича баҳоланади.
Live
Барчаси