Туркманистон Президенти армия генерали унвонига эга бўлди

Туркманистон Президенти Сердар Бердимуҳамедовга армия генерали унвони берилди. Тегишли қарор 26 январь куни Туркманистон парламенти томонидан қабул қилинган.

Унвон Бердимуҳамедовга 27 январда Туркманистонда нишонланадиган Ватан ҳимоячилари куни арафасида берилган.

Туркманистоннинг собиқ президенти Гурбангули Бердимуҳамедов ҳам армия генерали ҳарбий унвонига эга.

Маълумот учун, Туркманистонда 2021 йилнинг 12 март куни бўлиб ўтган сайловда Президент Гурбангули Бердимуҳамедовнинг ўғли Сердар Бердимуҳамедов 72,97 фоиз овоз билан ғалаба қозонганди. Гурбангули Бердимуҳамедов Президент ўлароқ, мамлакатни 2007 йилдан 2021 йилгача бошқарди. У лавозимидан кетганидан кейин Туркманистон Халқ Маслаҳати Миллий Кенгаши раиси лавозимини эгаллади. 

Эслатиб ўтамиз, 21 январь куни Туркманистон парламентининг қўшма йиғилишида собиқ президент Гурбангули Бердимуҳамедовга миллий етакчи мақомини бериш тўғрисида қарор қабул қилинганди. Ушбу қарорга мувофиқ, “Туркман халқининг миллий етакчиси тўғрисида”ги конституциявий қонун қабул қилинди. У собиқ президент Гурбангули Бердимуҳамедов ва унинг оила аъзоларига дахлсизлик ҳуқуқи ва бошқа қатор имтиёзлар беришни назарда тутади.