Туркиядаги Хўжа Насриддин дафн этилган шаҳарда халқаро фестиваль бўлиб ўтади

Маданият-санъат 5829
image
-

Олтмиш иккинчи халқаро Акшеҳир фестивали Туркиянинг жануби-ғарбий қисмидаги Конья вилоятида, жорий йилнинг 5-10 июль кунлари бўлиб ўтади. Фестиваль таниқли фольклор персонажи Хўжа Насриддиннинг прототипига айланган Акшеҳир аҳолиси хотирасига бағишланган.

Акшеҳир тумани муниципалитети раҳбари Солиҳ Аккаянинг таъкидлашича, коронавирус пандемияси фонида бу йилги тадбир ўтган йилларга нисбатан чекланган миқдордаги иштирокчилар билан ўтказилади. У ушбу фестиваль Акшеҳир минтақасини оммалаштиришга ва Хўжа Насриддин хотирасини абадийлаштиришга ҳисса қўшишига умид билдирди.

Аккая тадбирда Хўжа Насриддиннинг ролини таниқли театр актёри Беҳзат Уйғур ижро этишини айтиб, тадбир иштирокчиларини ниқоб режими ва ижтимоий масофани сақлашга чақирди. Фестиваль доирасида турли тадбирлар бўлиб ўтади, жумладан барча тортишиш майдонлари, кўргазма очилиши, болалар театри, акробатика шоулари ва эшаклар пойгалари.

Хўжа Насриддин хотирасига бағишланган фестиваль ҳар йили Туркияда ўтказиб келинади. У Туркиянинг Акшеҳир шаҳрида дафн этилган. Маълумот учун, Хўжа Насриддин персонажи ўзбек фольклорида ҳам етакчи ўринга эга. Бухорода унга ҳайкал ҳам ўрнатилган.

Умиджон Нозимжонов
Мақолага баҳо беринг
Баҳолаганлар: 102
Рейтинг: 3
t
×