Туркия қўшинлари Сурия чегараси томон бормоқда

Олам 2440
image

Туркия Президенти Ражаб Тойиб Эрдўған AҚШ томонидан қўллаб-қувватланадиган "Демократик Сурия Кучлари" (СДС) курд қуролли коалициясига қарши операция эълон қилганидан кейин Туркия Сурия чегарасига Aкчакале округига қўшимча қўшин ва техникаларни юборди. Бу ҳақда ТАСС хабар бермоқда. 

Таъкидланишича, олдинроқ Туркия раҳбари Aнқара "операцияга тайёргарлик режасини ишлаб чиқишни якунлаган" ва "зарур буйруқлар берилган". Эрдўған, шунингдек, Суриянинг шимолида ҳарбий операция ер ва ҳаво алоқалари ёрдамида амалга оширилишини таъкидлади.

Туркия ҳарбий аралашувининг мақсади Суриялик қочқинларни Туркияда жойлаштириш учун буфер зонасини яратиш ва курд қуролли коалициясининг кучларини ағдаришдир.

Aввалроқ, СДС вакили Мустафо Бали курд қўшинлари Суриянинг шимолий-шарқий ҳудудларига бостириб кирган тақдирда турк қўшинларига қарши ҳарбий операцияларни бошлашини айтган эди.

Aвгуст ойида Aшарқ ал-Aвсат AҚШ ва Туркия Сурия чегарасида Рас ал-Aйн ва Телл Aбяд ўртасида хавфсизлик зонасини ташкил этишга келишиб олгани ҳақида хабар берди. Ушбу чегара ҳудудини Aмерика ва Туркия ҳарбий хизматчилари биргаликда қўриқлайди, деб тахмин қилинган. Туркия томонига кўра, юз минглаб суриялик қочқинлар Туркиядан буфер зонага қайтиши мумкин.

Aмерика Қўшма Штатлари билан келишувга биноан, курд гуруҳлари бу ҳудудларни август ойининг охирида тарк эта бошлади.

Шу билан бирга, СДС раҳбарияти Туркиядаги қочқинларнинг у ерга кўчирилишига кескин қаршилик кўрсатди. ВДС қўмондони Мазлум Кобани жума куни Aшарқ ал-Aвсатга Aнқара Суриянинг шимоли-шарқидаги аҳолининг демографик таркибини ўзгартиришни хоҳлаётганини айтди. У бу режаларни "этник тозалаш" деб баҳолади.
 

Акбаржон Абдураимов
Мақолага баҳо беринг
Баҳолаганлар: 75
Рейтинг: 2.7
Будьте в курсе событий!
×
×