Тўхтамурод Азизов оғир жудоликка учради

“Дўстлик” ордени соҳиби, актёр, сўз устаси Тўхтамурод Азизовнинг рафиқаси вафот этди. Бу ҳақда Киноарбоблари ижодий уюшмаси Матбуот хизмати маълум қилди.

“Ўзбекистон Киноарбоблари ижодий уюшмаси “Дўстлик” ордени соҳиби, элимиз суйган актёр, сўз устаси Тўхтамурод Азизовнинг рафиқалари Раънохон опанинг вафоти муносабати билан чуқур ҳамдардлик изҳор қилади”, дейилади хабарда.

Маълумот учун, Тўхтамурод Азизов шу кунгача кўплаб фильм ва сериалларда суратга тушган. Актёр “Қутқаринг, севиб қолдим”, “Тўқликка шўхлик 2”, “Жаноб ҳот-догчи”, “Тундан тонггача 2” каби фильмларда роль ижро этган. 

Айни вақтда Тўхтамурод Азизов “Ёр-ёр” кўрсатуви бошловчиларидан бири.