Тўқаев Қозоғистонда йирик ўзгаришлар бошлаш пайида

Олам 6035
image

Қозоғистон Республикаси Президенти Қосим-Жомарт Тўқаев кеча, 1 сентябрь куни парламент палаталарининг қўшма йиғилишида Қозоғистон халқига "Қозоғистон янги даврда: ислоҳотлар вақти" номли мурожаатини эълон қилди. Давлат раҳбари ўз мурожаатида мамлакатни янада ривожлантириш стратегиясини тақдим этди. 

Тўқаев бошқарув тизими, иқтисодиётни самарадорлигини ошириш, саноат салоҳиятини очиш, қишлоқ хўжалиги,  ранспорт-логистика комплекси, кичик ва ўрта бизнес, молия секторини ривожлантириш, мамлакат ҳудудларини ривожлантиришни модернизация қилиш ва қозоғистонликларнинг ижтимоий фаровонлигини оширишга қаратилган қатор ташаббусларни илгари сурди. 

“Мамлакатимизнинг янги иқтисодий йўналиши еттита асосий принципга асосланган бўлиши керак: 

•    имтиёзлар ва мажбуриятларни адолатли тақсимлаш;

•    хусусий тадбиркорликнинг етакчи роли;  

•    адолатли рақобат, янги авлод тадбиркорлари учун бозорларни очиш;  

•    ҳосилдорликнинг ўсиши, мураккабликнинг ошиши ва иқтисодиётнинг технологик самарадорлиги;

•    инсон капиталини ривожлантириш, янги турдаги таълимга сармоя киритиш;  

•    Иқтисодиётни "кўкаламзорлаштириш", атроф-муҳитни муҳофаза қилиш; 

•    давлат томонидан асосли қарорларни қабул қилиш ва улар учун жамият олдида жавобгарлик”, дейди Тўқаев.

Президент арзон ва сифатли таълим бериш, соғлиқни сақлаш тизимини мустаҳкамлаш муҳимлигини таъкидлади. Шунингдек, оилавий ва демографик вазият, болалар хавфсизлиги ва ҳуқуқларини ҳимоя қилиш масалалари тўғрисида ташвишини билдирди. 

Давлат раҳбарининг таъкидлашича, ижтимоий-иқтисодий ривожланишнинг бирон бир йўналиши қонун устуворлиги ва фуқароларнинг хавфсизлиги кафолатисиз муваффақиятли амалга оширилмайди. Таъкидланишича, олдинда фуқаролар манфаатларига хизмат қилишнинг янги стандартларини ишлаб чиқиш бўйича катта ишлар турибди. Бунда ҳал қилувчи рол ўйнайдиган ҳуқуқни муҳофаза қилиш ва суд тизимлари ислоҳотларни кутмоқда. 

“Ривожланган Иқтисодий ҳамкорлик ва тараққиёт ташкилотига аъзо давлатлардан ўрнак олиб, жиноий соҳани модернизация қилиш керак. Бизга фуқароларнинг ҳуқуқларини ўз вақтида ҳимоя қилишни таъминлайдиган ва юқори халқаро стандартларга жавоб берадиган модел керак. Мен Қозоғистонда ваколатларнинг аниқ тақсимланишига эга бўлган уч босқичли моделни жорий этиш зарур деб ҳисоблайман. Яна бир бор таъкидлайман: қонунийлик ва адолат сукут бўйича таъминланиши керак. Шуни эсда тутиш керакки, одамлар тақдири жиноий ишлардаги хатоларга боғлиқ”, дейди Президент. 

Рақамлаштириш барча ислоҳотларнинг асосий элементи ва Мурожаатномада миллий рақобатбардошликка эришишнинг асосий воситаси деб номланган. Шу билан бирга, сиёсий ислоҳотлар фуқароларни давлат бошқарувига кенгроқ жалб этишга қаратилган бўлиши керак. Ислоҳотларнинг асосий мақсади бутун давлат фаолияти самарадорлигини оширишдир. 

Qalampir.uz Tahririyati
Мақолага баҳо беринг
Баҳолаганлар: 84
Рейтинг: 3
t
×