Тошкентдаги барча чорраҳаларга фото ва видео радарлар ўрнатилади

Тошкент шаҳрида мавжуд барча чорраҳалар йўл ҳаракатини бошқаришнинг автоматлаштирилган бошқарув тизимига интеграция қилинади. Бу ҳақда Ўзбекистон Президентининг “Тошкент шаҳар жамоат транспорти тизимини янада ривожлантиришга доир қўшимча чора-тадбирлар тўғрисида”ги қарори билан тасдиқланган Тошкент шаҳар жамоат транспорти тизимини 2025 йилгача ривожлантириш концепциясини амалга ошириш бўйича йўл харитасида белгиланган.

Қарорга кўра, Тегишли мутахассисларни жалб қилган ҳолда чорраҳаларни ўрганиб чиқилади. Мавжуд 605 та чорраҳанинг барчасига замонавий махсус автоматлаштирилган фото ва видео қурилмаларини ўрнатилади.

Шунингдек, 494 та чорраҳага ўрнатилган барча махсус автоматлаштирилган фото ва видео қурилмаларини йўл ҳаракатини бошқаришнинг автоматлаштирилган бошқарув тизимига интеграция қилинади.

Аввалроқ, Тошкент марказидаги 10 та кўчада пуллик автотураргоҳлар ташкил этилиши ҳақида хабар берган эдик.