Тошкентда ЙТҲ. Автобус пиёданинг ўлимига сабаб бўлди
3-саҳифа
−
07 Январь 2022 7810
Кеча, 6 январь куни Тошкент шаҳри Олмазор туманида йўловчи автобуси иштирокида йўл-транспорт ҳодисаси содир бўлди. Оқибатда пиёда вафот этган. Бу ҳақда “Тошшаҳартрансхизмат” АЖ Матбуот хизмати маълум қилди.
Қайд этилишича, воқеа 6 январь куни соат 19:50 атрофида Олмазор туманининг Уста Ширин кўчаси Жомий қурилиш бозори олдида юз берган. 1964 йилда туғилган ҳайдовчи бошқарувидаги Isuzu русумли 43-сонли йўналиш автобуси светофорда тўхташ учун секинлашган ва шу вақтда йўл қатнов қисмининг биринчи бўлагида кетаётган пиёда мувозанатни йўқотиб, автобус томонга йиқилган.
Оқибатда пиёда воқеа жойида вафот этган. Дастлабки хулосага кўра у маст ҳолатда бўлгани айтилмоқда.
“Ҳозирда мазкур йўл-транспорт ҳодисаси бўйича Тошкент шаҳар ички ишлар бош бошқармаси томонидан дастлабки тергов ишлари олиб борилмоқда. "Тошшаҳартрансхизмат" АЖнинг Ҳаракат хавфсизлигини назорат этиш бўлими томонидан хизмат суриштируви ўтказилади”, дейилади хабарда.
Live
Барчаси