Тошкентда қариндошини ўлдирган йигит 11 йилга “кесилди”
3-саҳифа
−
16 Декабрь 2022 5668
Тошкентда қариндошлар ўртасидаги жанжал бирининг ўлими билан якунланди. Бу ҳақда Олий суд матбуот котиби Азиз Абидов хабар берди.
Жорий йилнинг 7 август куни Чилонзор туманида бир бирига қариндош бўлган йигитлар ўзаро жанжаллашиб қолган. Оқибатда 1999 йилда туғилган фуқаро қариндоши – 1993 йилда туғилган шахснинг чап кўкрак соҳасига пичоқ урган.
Суд тиббий экспертизасига кўра, жабрланувчи олган оғир тан жароҳатлари туфайли вафот этган.
“7 август куни холамнинг ўғли билан телефонда жанжаллашиб, сўкишиб кетдик. Бир жойга бориб ўтирганимизда менга қўл кўтарганларида йиқилиб, чўнтагимдаги 20 сантиметрли пичоқни тиқиб олдим. Биринчи марта тиққанимда қаршилик қилишда давом этди, шундан сўнг яна икки марта тиқдим. Уни шифохонага олиб кетишди, мен воқеа жойидан кетдим. Пичоқни агар яна урса, қўрқитаман деган мақсадда олган эдим. Биз жуда яқин бўлганмиз, бир-биримизни яхши кўрганмиз”, дейди айбланувчи.
Судланувчи Жиноят кодексининг 97-моддаси 1-қисми (қасддан одам ўлдириш) билан айбли деб топилган. У 11 йилга озодликдан маҳрум этилган ҳамда жазоси ўташ учун умумий тартибли колонияга жўнатилган.
Live
Барчаси