Тошкентда ИИББ ходимлари фуқароларга куч ишлатгани айтилган хабарга изоҳ берилди
Жамият
−
06 Февраль 2022 10744
Ижтимоий тармоқларда Тошкент шаҳри Қўйлиқ ҳудудида Ички ишлар органлари ходимлари хизмат ваколатларини суиистеъмол қилиб, фуқароларга нисбатан жисмоний куч ишлатаётгани акс этган видеолавҳа тарқалди. Ҳолат юзасидан шаҳар Ички ишлар бош бошқармаси изоҳ берди.
Қайд этилишича, хабар ҳақиқатдан йироқ. 2021 йил 31 декабрь куни ҳуқуқбузарликларни барвақт олдини олиш, пойтахт аҳолиси ва меҳмонларининг хавфсизлигини таъминлаш мақсадида Тошкент шаҳар ИИББ патруль-пост хизмати ходимлари Тошкентда "Хавфсиз пойтахт" концепцияси доирасида профилактик тадбирлар ўтказган. Ходимлар аҳолига нисбатан куч ишлатмаган, ҳеч кимга бадан шикастлари етмаган.
"Фуқаролардан маълумотларни расмий манбалардан олишларини илтимос қиламиз", дейилади хабарда.
Шунингдек, ИИББ нотўғри хабарларни тарқатиш жавобгарликка сабаб бўлиши мумкинлигини ҳам эслатиб ўтган.
Таъкидланишича, мазкур ҳолат бўйича Тошкент шаҳар ИИББ ходимлари томонидан қўшимча текширув ўтказилмоқда.
Live
Барчаси