Сурия Жанубий Корея билан дипломатик алоқа ўрнатди

north_east

Асад ўрнига Аш-Шара. Сурияни қандай келажак кутмоқда?

Кеча, 10 апрель куни Сурия ташқи ишлар вазири вазифасини бажарувчи Асад Шибоний Жанубий Корея билан дипломатик алоқалар ўрнатиш ҳақидаги келишувни имзолади. Бу ҳақда “Yonhap” хабар берди.

Дамашққа ташрифи чоғида Корея Республикаси Ташқи ишлар вазири Чо Тхэ-Юл Сурия вазири билан дипломатик ваколатхоналар, жумладан, элчихоналар очиш бўйича келишувга эришди. Шунингдек, учрашувда араб давлатига инсонпарварлик ёрдами, жумладан, дори-дармон, тиббий асбоб-ускуналар ва гуруч билан ёрдам кўрсатиш имкониятлари муҳокама қилинди.

Асад Шибоний Жанубий Кореянинг қўллаб-қувватлаши Сурия учун муҳим эканини таъкидлаб, “халқаро тинчликка ҳисса қўшадиган дўстона ҳамкорликка” умид билдирган. Жанубий Корея Ташқи ишлар вазирлиги, ўз навбатида, дипломатик муносабатларнинг тикланиши “Сурия билан ҳамкорликда янги саҳифа” бўлишига умид қилмоқда.

Агентликнинг таъкидлашича, Жанубий Корея ҳозирда КХДРдан ташқари барча БМТга аъзо давлатлар билан дипломатик алоқаларга эга. Жанубий Корея Ташқи ишлар вазирлиги ўтмишда Сурия билан алоқаларни ўрнатиш айнан Суриянинг КХДР билан яқин алоқалари туфайли мураккаблашганини эслатган.