Сомсахонада портлаш юз берди. 7 киши жароҳатланди
Local
−
20 March 2020 16903 1 minute
Жорий йилнинг 18 март куни кундузи Шаҳрисабз тумани Хўжахуросон маҳалласида яшовчи 1949 йилда туғилган А.Т.нинг хонадонида чақнаш содир бўлди. Бу ҳақда QALAMPIR.UZ`га Бош прокуратура матбуот хизмати маълум қилди.
Қайд этилишича, чақнаш хусусий уйда ўзбошимчалик билан ташкил қилинган сомсахонада 20 литр ҳажмли газ балони ёрилиб, суюлтирилган углеводород газининг ҳаво аралашмаси натижасида содир бўлган. Натижада сомсахонанинг уч нафар ишчиси ҳамда тўрт нафар мижоз (жами етти киши) турли даражада куйиш жароҳатлари билан шифохонага ётқизилган.
Ҳодиса юзасидан туман ИИБ томонидан ЖК (Жиноят кодекси)нинг 229-моддаси (“Ўзбошимчалик”) билан жиноят иши қўзғатилган. Тергов ҳаракатлари ўтказилмоқда.
Live
All
